تعليقات اعجبتنى على موضوع ينفى وجود بطالة فى مصر ..

[ديانا أحمد]

الموضوع يقول:

#عاجل
معدل البطالة في #مصر يتراجع إلى 6.9% خلال الربع الرابع من 2023، بانخفاض قدره 0.2% عن الربع الثالث
#الشرق_مصر
#اقتصاد_الشرق

التعليقات:

= كل الشباب شغال في شركات التمويل التي تتعامل بالربا
= فين الشركات دى بس
= البطاله ذادت في مصر
= البركة في التوكتك والتوصيل وطبعا مفيش تعيين في أي جهة حكومية نسأل الله السلامة والعافية
= لا فيه تعيين لمعشات الجيش بس يعني يقبض مرتبين مرتب معاش ومرتب اخر
= كده البلد زي الفل مفيش بطاله ماشاء الله علينا مفيش بطاله مفيش غلاء كل ميه ميه خمسه علينا عشان الحسد
= احنا اصلا اقتصادنا ينضرب بيه المثل طبعا معندناش بطاله امال ازاي يقعدو منغير شغل دي بيشتغلو ٣ شغلانات وياريت قادرين يسدو مصاريف حاجه حسبي الله ونعم الوكيل
= فعلا عندك حق أنا أعرف مهندسين بيشتغلوا في مطاعم متمرطين وأصحاب المطاعم بيعاملوهم اسوأ معاملة وياريت اليومية نافعة في حاجة
= اقسم بالله فيه ناس مالاقية شغل ومهندسين وصحفيين ومحاميين كمان ولا تزعلى نفسك
= ده انا كل يوم بيقعد علي الرصيف جنبي ٤ زياده وممكن البلد كلها تبقي جنبي لو قلتلهم انا قاعد بس الشاي غلي من من ٤٠ جنيه ل ٣٠٠ جنيه والسكر غلي من ٢ جنيه ل ٦٠ جنيه (والسكر غلي وانا حيله بأيه )
= صحيح كل يوم بنشوف الشباب علي المقاهي لحد الصبح منكم لله حسبنا الله ونعم الوكيل
= لو كان معدل البطالة إنخفض لماذا لا يذكر الموقع معدل إرتفاع الأسعار المستمر وغلاء المعيشة المتردية الصعبة
= البطالة محذوفة من عندنا مصر ماشاء الله لاتوجد فيها بطالة والناس اللي بيقعدوا في الشوارع بأعداد كثيرة العمالة اليومية هما لا ينتظروا شغل يأتيهم ابسلوتلي هما بيقعدوا يروحوا عن نفسهم اصلهم بيشغلوا اوقات فراغهم والويك اند في الاحاديث والتسامر مع بعض كناحية اجتماعية وبيأخذوا اعانة من الدولة اللهم لاحسد 500جنيه بتكفيهم وبيحوشوا منهم والمصانع على اخرها العمال والموظفين في كل الشركات والوظائف الحكومية والمدرسين المدارس مكتظة منهم ومش عارفين يعملوا ايه في الاعداد المتزايدة في المدارس والمرتبات واو عالية جدا تكفي حياة مرفهة والسفر للخارج لقضاء الاجازات مصر بخير والعمال بخير والدنيا زي الفل
= مصر كلها بطاله الصومال قادمون
= يعني مهجش من البلد استني
= ماتوا الله يرحمهم جميعا
= نص البلد بتلم كانزات وكراتين... حسبي الله ونعم الوكيل
= فعلاً %6.9 شحاتين في الشوارع
= انا وزوجتي ومعانا ثلاث اطفال عاطلين عن العمل
ولا راتب ولا معاش ولا دخل ولا ميراث ولا سند لنا الا الله.
قررت السفر بلا عوده الي بلد الظلم والقهر بلد الوسايط والمحسوبيه بلد الكذب والنفاق.
كنت عايش باشا مع ولادي واسرتي فقدت شغلي في لمح البصر ومن سعتها وانا في كابوس
= معدل البطاله بقينا نعرفه من كتر الشحاتين في الشوارع حرفيا هنشحت كلنا قريب
= عوزين نشتغل
= ده مفيش بيت في مصر فيه ٩رجالة الا لما تلاقي فيه ٧ مش شغالين وال ٢ الباقين شغالين يوم اه ويوم لأ
= جميع المصالح الحكوميه بها عجز وخريجى الجامعات لو لقى شغل بيكون باليوميه مثله مثل عامل اليوميه ولا امان ولا تامين حسبنا الله ونعم الوكيل فى كل متسبب لهذه الماساه التى يعانى منها الشباب
= الظروف اضطرت الناس كلها للشغل اطفال بتشتغل وحريم بتشتغل وكبار السن بيشتغلوا واللى مبيشتغلش بقى يدور على شغل.. اقل بيت عشان يواكب غلاء المعيشه لازم يشتغل كل أفراده من الصغير للكبير المرأه قبل الرجل
= دا فين ده والاف الخريجين يعملون على تكاتك وموتوسيكل توصيل طلبات وكل الوظائف محجوزة لاولاد اعضاء مجلس النواب والسادة الوزراء والمستشارين واولاد ضباط القوات المسلحة وكله كدة مع غلق المصانع وتخريبها ًوحسبنا الله ونعم الوكيل
= فعلا تتراجع بس بالعكس البلد كلها مش لاقيه شغل
= لا تصدقوا ارقام حكومة مصر عن معدل البطالة فكلها من وحى الخيال وهى كاذبة فمعدل البطالة فى مصر فمن يعثر على عمل يجب ان يكون مسنود اوبواسطة كبيرة والوزارات الكبيرة محصورة على المعارف والأقارب والأصدقاء فثلاث ارباع المصانع توقفت عن العمل والأنتاج.
= %6 ده صحيح 94 %عاطل
= نفسى أعرف البطاله بيحسبوها إزاى ده ثلاثه ارباع خريجى الكليات خلال العشر سنوات الماضيه مش لاقيين شغل بل إن كثير من الخريجين بيشتغلوا على توك توك... كما أن كثير من المصانع إما قللت إنتاجها أو توقفت عن الانتاج... اما بلنسبه للمشاريع متوقفه و البناء متوقف فنجد أكثر من نصف العماله الفنيه لا تجد اى عمل...
= تلاقي خمستاشر ألف عاطل ماتوا ولا حاجه
= الاحصائيات دي بتتعمل فين
ده الشباب كله متعلم أو غير
مش لاقين شغل والدوله ما بتشغلش الا اللي بالي بالك
= نسبه البطاله بنسبة 65 ٪ الشباب مش لقى شغل ولو ربنا كرمو وجاب حاجه يتعايش بيها الحى والمرافق بتخدهم وتاخد حجتهم
= هم عشان بطلوا يقعدوا ع القهاوي و الكافيهات يبقوا بيشتغلوا ٠ دول بطلوا من قله الفلوس فيه ناس مش لاقيه العيش الحاف
= الشهادات العليا بيشتغلوا أمن وعمال فى العاصمه الجديدة بعد ما أصرف عليهم فى الثانوية العامة والجامعات الخاصة
شكراً يامصر
= هو حد بيراجع وراكم قولو اللي انتم عايزينه واحنا شايفين عكس كلامكم
= قصدك زادت
لا مكان للعلم ولا العمل
في بلد يحكمها جاهل
دى الخلاصه
= طيب هى البطالة قبل ما تتراجع كانت كام ؟
وكمان الشغل على قفا مين يشيل والمرتبات مااقولكش فوق فوق وزيادة عن الاحتياج ، والاجمل فى هذا أنة خبر عاجل ، بلا نيلة وقرف
حسبنا الله ونعم الوكيل يمهل ولا يهمل
= كدب البطالة زادت والاسعار زادت والجريمة زادت والطبقة الفقيرة زادت وحسبنا الله ونعم الوكيل فى الظالمين وعدماء الضمير وسارقي أموال الغلابة
= دا ٣/٤ شباب مصر عاطل ومش لاقي شغل
منك لله حكومة
بتقفلوا الشركات الوطنية
حسبنا الله ونعم الوكيل
= شيل العلامة و خليها ٦٩%.



المصدر:

https://www.facebook.com/photo/?fbid...8Q&__tn__=EH-R


#شارك_برأيك | الحكومة بتقول انها رفعت الحد الأدنى للأجور ونسيت أن مش كل المصريين موظفين في الدولة .. وإن الأغلبية العظمى شغالين عمال يومية ب١٠٠ جنيه في اليوم ..
ممكن تقولنا ال١٠٠ جنيه اللي هي شقى وتعب يوم شغل كامل.. بتجيبلك ايه النهاردة ؟؟
قولنا في التعليقات 👇👇

https://www.facebook.com/photo/?fbid...&__tn__=EH-y-R

[Skeptic]

لما تسرق فلوس الشعب، والشعب يدعي عليك...


حسبي الله ونعم الوكيل، كلام عبيط يوضح انك عندما تؤمن بكلام عبيط كحقيقة هناك من يستفيد منها... انا طول عمري اسمعها في مصر ولم افهم ماذا تقدم؟ هل نحن في مصر حمقي لهذا الحد؟
تحياتي

[Skeptic]

تحياتي ديانا
بالنسبة للرواتب، شاهدت هذا الفيديوا:
https://www.youtube.com/watch?v=RPT-HAblNbY

4000 جنية في الشهر، حوالي 70 دولار في الشهر...
هذا راتب زهيد للغاية، هنا في استراليا تبدأ من 60 الف دولار في السنة، اي 5 الاف دولار في الشهر....
اعلم فرق الاسعار ولكن من تجاربي في مصر الاسعار اغلي من استراليا، فقط اسعار الاقامة رخيصة، والاكل في المطاعم الشعبية ولكن هذا تخشي ان تدخلة خوفا من اكل لحم كلاب اوا غيرة...
لكن في الفنادق او المطاعم الكبيرة، في مصر اغلي بكثير، والملابس ايضا اغلي، اسعار الخمور اغلي.
لهذا السبب تجد في لندن عدد كبير من الاطباء ايضا وهنا في استراليا، عدد كبير من الاطباء المصرين هاجروا منذ فترة صغيرة. ما يحدث لمصر هو تفريغها من المواهب وجعل شعبها يقول ليل نهار حسبي الله ونعم الوكيل، هذا الاله الغائب، الغير موجود.
تحياتي

[ديانا أحمد]

اؤيدك تماما صديقى سكيبتك وانا نقلت كلامهم كما هو للامانة
لكنى بالتاكيد لست مؤمنة بحسبى اللب وفول كتير على حد تعبير صديق لادينى قديم لى قابلته بالفيسبوك عام 2011 .. كلها اوهام وخرافات ابراهيمية ومقاومة سلبية ووهمية وغير ناجحة ونداء لوهم لن يستجيب لهم ولن ينقذهم الا انفسهم مما هم فيه
نعم وضع المرتبات والعمل فى مصر سئ للغاية ومنتهى الاستغلال للعامل ايا كانت وظيفته