مساء الخير

[حكمت]

المشاركة الأصلية كتبت بواسطة شمس

صحيح يا أستاذ كلامك..ربنا ما بحاجة لصلاتنا ولا صيامنا ولا غيره..بس لو يفكرّ المؤمن الغاية والمصلحة النفسية من هالشي؟

* اعطيك مثال للتوضيح:

روح انت جرب صللي بحالتين:
- مرة ارفع راسك بتكبر واتمايل ولا تراعي حركات الصلاة..وردد اي آيات بدون اكتراث او خشوع..
- وبالمرّة التانية: حاول تلزم الخشوع وراسك منحني باذلال وحزن وانت تردد آيات كريمة متل: ربنا لا تؤاخذنا ان نسينا او اخطأنا..واعفو عنا..وارحمنا..

شوف شو بصير بحالك؟؟
هل رح بتحس نفسيتك (( روحانيتك )) اتأثرت؟

بكتاب فلسفة تعاليم الاسلام، بيشرح كيف النفس بتتبع حركات الجسد..وبتتروّض بحركاتها..
لما تروح حفلة وترقص وتمرح مع الشباب هل نفس روحانيتك لما تكون بتصللي بخشوع وحزن ؟؟

ولهالشي في احاديث بتنص انه ما نتحرك بالصلاة. او منقول اليد كذا ..والخشوع كذا..
هالتواصي لتتأثرّ روحانيتنا يا زميل..وبالتالي، ب (( تطهررّ))..ومنشعر براحة وطمأنينة! (( يا أيتها النفس المطمئنة...))= ربنا بديانا نقتل النفس الامارة بالسوء- ونجتاز النفس اللوامة( الندم) ، ونصل لمرحلة النفس المطمئنة المرتاحة..من خلال نتبع هالتواصي.
ربنا بحكمه وتواصيه بالاسلام مش منشانه منشانا..

ربنا لما قال لا نزني( حتى ما يصير امراض او اختلاط نسل ومشاكل..)
ربنا امرنا عدم سرقة او كذب او او...لمصلحتنا..
هي اخلاق..
وتواصي الصلاة والصيام بتصقلنا لتشجعنا وتهذبنا لنصل لروحانية نصل للاخلاق المطمئنة..

ليش الصيام؟ منشان ننقطع عن الاكل؟
الصيام الحقيقي هو صيام النفس عن الاعمال السيئة ..
ليش عيد الاضحى؟ لنلبس ونروح نستمتع بالزيارات والحفلات؟ او لنتعللم معنى التضحية ؟؟

من جهة تانية..انا رديت كتير بمواضيع سابقة ، عن الغاية من العذاب بجهنم بتعريف الجماعة الاحمدية
...

رح احكيا باختصار:

الغاية من التطهير هو تطهير النفس مش بغرض التعذيب والعقاب..
والعقاب ما هو مادي وانما روحاني..

في حديث بقول ما معناه انه الحياة الآخرة فيها ما لا عين رأت ولا أذن سمعت..!

اذن هل رح يكون في نار حقيقية؟
ليش ؟ شو الفايدة من هالعذاب..

العذاب بكون على الشكل الاتي:

لو مريض بهالحياة الدنيا ( نتيجة اكل طعام فاسد ) شو منعمل له..؟ بروح المشفى (( لتطهير)) ونزع الاضرار السامة اللي انتشرت بجسمه. بتم علاجه عن طريق الابر والحقن والعمليات الجراحية...هل طريقة العلاج بتكون ممتعة او فيا ألم؟؟
العلاج بحد ذاته مؤلم..وكل ما كان السموم بجسمه اكتر..بتحتاج علاج اكتر..وبالتالي ألم اكتر..بغرض التطهير! شيء تلقا ئي= اذا قلعت الشوكة عن جسم شخص بده يتألم لكن بنفس الوقت رح يتعالج!! وكل ما كانت الشوكة اكبر وأعمق..عملية قلعها مؤلمة اكتر!!

الحياة هي امتحان من ربنا! وهي اختبارات..كل شخص بيعمل عمل رح يحصد نتيجته!

وملخص الثواب..هل فكرك في انهار عسل ولبن..بالجنة؟؟
طيب انا ما بحب العسل واللبن؟؟

اذن ..هو تشبيه، للنعيم الاخرة..

يعني يلي ( كتب ) القرآن ان كان بشر..ما انتبه على هالتضاد..ولو طفل عمره 10 سنوات كان انتبه؟؟ او في حكمة بالموضوع..

زيادة بالنسبة للتوضيح لنعيم الجنة..لو طفل بحب الشوكلاته. وراحت الوالدة صنعت له مثلا تشيز كيك وهو ولا عمره ذاقها. ولا سمع عنها ولا شافها..شو بتقول الام له؟ هي بتشبه الشوكلاته بمذاقها وحلوة كتيير ..بس التشيز كيك اطيب واطيب....


اذن الحواس الدنيوية بتختلف عن الحواس بالدنيا الاخرة ..ولو كانت هالغرا ئز موجودة فعلا وهالشهوات. شو اختلفت الدنيا عن الاخرة؟؟

بكتفي بهالقدر..وبتمنى اعطيت فكرة..

شكرا.

عزيزتي شمس:
سبق وقلت ضمن تعليقاتي(اني كنت اسبق الإمام إلى المسجد للصلاة) وقد جربت كل ما تحدثتي عنه
عندما جلست في الطبيعة واسترخيت وتأملت, شعرت بنفس الشعور الذي تتحدثين عنه
عندما اتأمل السماء والقمر والنجوم التي تطرز رداء الليل الأسود والنسيم يلاطف تفاصيل وجهي ايضا اشعر بنفس الشعور
الصيام بالاساس لكي نحس بالفقراء ونساعدهم ونقف الى جانبهم
والوصايا العشر موجودة قبل الاديان وهي قالت ايضا لا تسرق لا تقتل لا تكذب لا لا لا لا ...الخ
بإمكاني ان اكون مؤمنا دون ان اعيش في العالم الخيالي الذي يصفه المؤمنون
يكفي اني لم اؤذي احدا ولم اظلم احدا ولم اتعدى على حق احد لأدخل الجنة
واذا كان هذا لا يكفي الله ليدخلني الجنة فاظن انه.........او الافضل انا لا اكمل
تحياتي

[شمس]

عندما اتأمل السماء والقمر والنجوم التي تطرز رداء الليل الأسود والنسيم يلاطف تفاصيل وجهي ايضا اشعر بنفس الشعور

Ok. I understand..

شكرا الك..