محكمة جنايات بورسعيد تبرئ شابا قتل والدته بدعوى انها تغيب خارج المنزل لشهور

[ديانا أحمد]

منقول من صديقى ELhabad Ibn Youssef



فى أخر تطور قضائى وسخ لقضاء الوكسة و الندامة ... واحد أمه كانت بتغيب عن البيت لفترات كبيرة (ده حرفياً كل الى متهمة بيه) ، فيا عينى ذكورته و رجولته مستحملتش الإهانة الشديدة دى و نقحت عليه فعمل الى لازم أى حد يعمله لو مكانه ، و ضربها لحد ما ماتت فى ايده
.... نقول تانى .... ضرب أمه لغاية ما ماتت فى إيده
أمه الى خلفته و كبرته و صرفت عليه لغاية لما بقى شحط إرهابى قد الدنيا و ردلها الجميل بإنه قتلها ...
لكن الحمد لله قضاء مصر الشامخ رد للست حقها بعد ما ماتت بإنه إدى ابنها الى قتلها براءة "مراعاة للبعد الإنساني فى القضية " ....
يعنى ابنها قتلها و القضاء الإرهابى الداعشى بتاعنا ترمخ عليه و إداله براءة ، ما هو الواد كان شاكك فى أمه ، يعنى هيعمل ايه ؟ لازم يقتلها طبعاً عشان يخلص من عارها .... ماحنا عايشين فى قبيلة قريش سيادتك ... مش بلد فى القرن ال ٢١ ليها دستور و قانون و حاجات من دى يعنى ، لا طبعاً أحا دستور ايه و قانون ايه ؟
يعنى نسيب كل مرا دايرة تلف على حل شعرها كده ؟ ده احنا نبقى ديوثين و بقرون بقى على رأى شيخنا عبد الله رشدى .....
و يقولك احنا عايش فى وسطنا دواعش ؟......
دى طلعت البلد بلدهم و احنا الى عايشين وسطهم يا بنى


منقول من صديقى Fady Soliman

براءة شخص ضرب أمه لغاية ما ماتت. سبب البراءة أن القتل كان دفاعا عن الشرف.

تعالى نفترض أن الست خارباها، هل ده مبرر أن ابنها او اي حد يقرب لها أنه يضربها و يموتها؟؟ اي اعتداء من اي فرد على أي فرد آخر لأي سبب من الاسباب هو جريمة تستحق العقاب.

منقول من Kho Loud

(ضـ.رب أمه لغايه ما ماتت من الضـ.رب و اخد براءه بحكم محكمه لأنه الجـ.ريمه كانت بنيه الدفاع عن الشرف)

الخبر ده في المجتمعات البدائيه خبر طبيعي و مش مُستَغرب ابداً، و لكن عمرك ما هتسمعه في اي مجتمع متحضر يعرف بجد معنى البعد الإنساني اللي نفس القاضي الحْول مش هيحطه في إعتباره لو عكسنا الأيه و كانت الأم هي اللي قتـ.لت إبنها من الضـ.رب حتى لو كان برضه دفاعاً عن شرف..
قالك المجني عليها اعتادت الغياب عن المنزل لأشهر ، و طبعاً معروف في العالم كله إنه ده سبب كافي يخلي إبنها يخلص عليها و ياخد براءه..

و كل ده بسبب الأفكار الهمجيه و المعتقد الديـ.ني المنـ.حط اللي إدى للولد ولايه و سلطه على أمه و إفتكر إنه يقدر يتحكم فيها لدرجه انه يمد ايده عليها لحد ما يجيبلها نزيف في المخ و تموت بسببه، و زاد و غطى المحكمه اللي ادته براءه عادي و كأن شيء لم يكن..

الغريب بقى في الخبر انه جده الولد - ام المجني عليها - كانت بتساعد حفيدها على ضـ.رب امه - بنتها - و كانت هي كمان بتضـ.ربها بعصايه و بخرطوم .. الولد - القـ.اتل - اخد براءه، و الجده المشاركه في الجريمه إتحبست سنه!!

أنا حقيقي الزريبه دي كل يوم بتبهرني عن اليوم اللي قبله بجد !!