بنفع اصير نبي؟

[سامي عوض الذيب]

مقال نشر في الحوار المتمدن
http://www.ahewar.org/debat/show.art.asp?aid=362537
-----------------------------
تعرفت اليوم على صديق عربي جديد وقد تبادلنا اطراف الحديث انقل بعضه لكم دون ذكر اسمه.
*الصديق: مرحبا. كيفك استاذ سامي؟
*سامي: انا مليح
*الصديق: حسب ما سمعت انك انت بدك تعمل دين الك. مو الك يعني بس. دين جديد.
*سامي: نعم. يعني بدي اصير نبي
*الصديق: ايوا. طيب شلون يعني؟
*سامي: شو رأيك في هيك شغل؟ بنفع اصير نبي؟
*الصديق: بس انت شلون بدك تصير نبي؟ لا نبي بعد نبي الله محمد. سيدنا محمد خاتم الانبياء. يعني مستحيل
*سامي: يعني بشتغل نبي على قدر حالي
*الصديق: يا استاذ سامي النبي ما بصير حدا. لأنه مثل ما قلتلك سيدنا محمد صلى الله عليه وسلم خاتم الانبياء
*سامي: لا تصعب الأمور في وجهي أخي. قول الله يوفقك.
*الصديق: استاذ سامي هلأ انا ما دخلني بدينك. بس انت عم تحكي باسم النبوة والله حرام. انت ما بتعرف شو عم تحكي
*سامي: يعني ما بصير اصير نبي؟ ما اتعب حالي؟
*الصديق: هلأ انت عم تحكي معي بجد ولا مزح؟
*سامي: جد. شو بتشجعني ام لا؟
*الصديق: هلأ انت ما بصير تصير نبي لأنه كل العالم بتعرف انو سيدنا محمد هو خاتم الرسل. يعني مستحيل حدا يصدقك.
*سامي: يعني ما يصير اجرب؟ ممكن انجح.
*الصديق: انت اذا بدك تجرب انت ما بتعرف شو العواقب
*سامي: بدي اخليك تفتخر بأنك صديق نبي
*الصديق: هلأ انت مو قلت هيك. طيب فكر لبعدين بعد ما اتموت شو بدو يصير فيك لأنه في جنة وفي نار واكيد انت شككت بالنبوة وكأنك شككت بوجود الله. ما بيصير يا اخي
*سامي: شوف هذا المقال: دين جديد وكتاب مقدس جديد http://www.ahewar.org/debat/show.art.asp?aid=343866 وإذا كان الحوار المتمدن ممنوع في بلدك بمكن قراءة هذا المقال في مدونتي http://blog.sami-aldeeb.com/?p=30607
*الصديق: طيب قبل ما اقرأ انت شو الي خلاك تفكر هيك
*سامي: انا قلت اجرب حظي مثل غيري. يعني غيري احسن مني؟
*الصديق: ليش مين غيرك جرب؟
*سامي: الانبياء اللي سبقوني
*الصديق: هههههه انت كتير خيالك واسع
*سامي: عندي وسع افق وراسي قاسي. يعني عندي كل المؤهلات لكي اصير نبي.
*الصديق: هههه طيب ماشي. بدي اسألك سؤال
*سامي: تفضل. بس لا تسأل أسئلة صعبة الله يخليك. انا لسا في بداية النبوة. بعدين ببطل اصير نبي.
*الصديق: هلأ كل نبي كان مؤهل بمعجزة. انت ما عندك المؤهلات. يعني ما عندك معجزة لحتى العالم تصدق. فهمت هلأ. معجزة ما في.
*سامي: يعني ما بصير نبي بلا معجزة؟ طيب نبي صغير ما بنفع بلا معجزة؟
*الصديق: يا أستاذ سامي كل نبي كان عندو معجزة. يعني سيدنا موسى العصا. وسيدنا عيسى احياء الموتى. انت شو عندك؟
*سامي: انا بجرب اعمل نبي.. وان طلع بيدي اعمل معجزة كان به. وان ما طلع، كل شيء عند اصحابه. مش خسران شيء.
*الصديق: هههه لأ انت خسران وخسران كثير لأنه العالم اذا بدك تقولهم انو انا نبي بدهم يقولولك وين معجزتك اللي بتثبت انك نبي مرسل من عند الله. انت عم تضحك على حالك وبدك تتضحك على غيرك
*سامي: يعني ما بتشجعني؟ ولو تجربة؟
*الصديق: انا مو معك منوب. وما حدا معك. لأنه انا ما بقدر اكون معك لأنه انا بكون عم شكك بربي وبأنبياء الله الصلحين. فهمت قصدي يا استاذ سامي؟ شيل هالافكار من راسك الله يستر عليك.
*سامي: الدين الجديد اللي عامله مثل خم الدجاج. بدخل فيه من يريد ويخرج منه من يريد من دون ان يخاف من الثعالب. يعني ما بجبر حد. هو دين الحرية ويقبل فيه الملحد والمشرك والموحد.
*الصديق: انتا هيك عم تعمل دين من غير دين. يعني انت شلون بدك تساوي دين خرافي. مين لح يصدقك؟ بدك نصيحتي: لا تغلط أكتر من هيك.
*سامي: انت قريت المقال؟ ربما تحب تدخل فيه. والله بعجبك.
*الصديق: انا لح اقرأو استناني شوي. لا تواخذني بهالكلمة انت كافر. هلأ القرأن صار من تأليف واحد يهودي؟
*سامي: كل واحد كافر بما يعتقده الغير. موش هيك؟ نعم القرآن من تأليف حاخام يهودي مسطول.
*الصديق: ههههه يعني مو الوحي الي نزلو على سيدنا محمد؟ يعني مو من عند الله؟
*سامي: فهمت زين
*الصديق: انت شو كل هالقد مكفر بالله. ولك انت اسأل حالك مين الي خلقك. مين الي خلق امك. ابوك عمك. جدك. ستك. اخوك. اختك. رفيقك
*سامي: شو رأيك في المقال؟
*الصديق: جاوبني اول شي. مين الي خلقك؟
*سامي: انت قرأت المقال؟
*الصديق: انا قريتو بس انا بدي اسمع منك: قلي مين الي خلقك؟
*سامي: ليش شو هذا السؤال؟ كم تدفع؟
*الصديق: اذا بتريد بس جاوبني مين الي خلقك. انت مو بدك تجيب دين جديد؟ طيب قولي مين الي خلقك؟
*سامي: تعرف انا ما بجاوب على أسئلة لا دخل للغير فيها إلا اذا دفعوا مقدما
*الصديق: ههههههه عنجد بدي ادفعلك. ليش دينك لازم الواحد يدفع لحتى ياخذ معلومة عنك. شو هالدين؟
*سامي: كمحامي ما بعمل ببلاش
*الصديق: ههههههه قبل شوي نبي ولك حاج خرافات. حاج تتضحكو على العالم. حاج تعملو خرافات
*سامي: ما حد جابرك تسأل. لكن ان سألت بصير بفلوس
*الصديق: انا ما عم اسالك وما بدي ياك تجاوبني. لأنه انت ما بتعرف شو عم تساوي. يعني انت فكر شوي مخمخ بعقلك شلون يعني بدك تصير نبي. استغفر الله العظيم. انت حرام عليك تضوع حالك. الله أعطاك النعمة وسواك وهو بيقدر هلأ بلمح البصر يختفي كل شي من بين ايديك مصاريك بيتك عيلتك ما بتعرف لأنه الله لما صارت البشرية ببداية سيدنا ادم وحوى انو صار في قضاء وقدر
*سامي: كل شيء ولا زعلك. ان تزعل ببطل اصير نبي.... دير بالك. وانت الخسران لأني اريد ان اخلصك من خرافاتك اللي زرعها في راسك الحاخام المسطول.
*الصديق: يا أخي انا مو خسران. انت بطل صير نبي. واتقي الله يا زلمة. والله حرام
*سامي: لا لا. لا تهتم. الله ابن حلال. بدبر حالي معاه. المهم انه انت ما تزعل
*الصديق: بكرا لم يصير يوم القيامة بتعرف شو يعني حكييي
*سامي: كل دنيا تمشي ببخشيش. بعطي الله بخشيش وبخلص. شو رأيك؟
*الصديق: طيب انا بدي ياك تبطل وتقيم كل هالخرافات من راسك. لا اله الا الله
*سامي: وليش؟
*الصديق: لأنه حكيك كلو غلط
*سامي: شو انت خسران؟
*الصديق: غلط غلط
*سامي: يعني واحد حامل لحيته والآخر غلبان فيها؟
*الصديق: انت هلأ شو بدك. بالمختصر المفيد انت عم تنصب على العالم
*سامي: نصبت عليك؟ اللي نصبت عليه يحاكمني وانا اعطيه حقه مرتين
*الصديق: طيب شو عم تساوي هلأ. بدك تقنعني بدينك بالدين الخرافي مو اسمو نصب
*سامي: انت يظهر ما قريت المقال. الدين تاعي بدخل فيه من يريد ويخرج منه من يريد مثل خم الدجاج
*الصديق: اي انا قريتو. بس انت كلامك كلو خرافي. يعني صرنا بعالم ديزني. خرافي
*سامي: تعرف المهم انا مبسوط بديني. انت مبسوط بدينك؟
*الصديق: قال الله تعالى بسم الله الرحمن الرحيم (لكم دينكم ولي دين) صدق الله العظيم. من سورة الكافرون
*سامي: اخي تعني صدق الحاخام المسطول؟
*الصديق: اخي انت كفرت كثير بديني. يا اخي انت دينك هو الي لح يأمن فيه العالم ولح ينسو الدين الاسلامي والمسيحي مشان دينك الخرافي. شو هالدين. خرافي. روح حاج نصب على العالم وحاج كذب. انت تنصب على العالم. اذا قلتلك مين خلقك قلتلي بدك فلوس. شو اسمو هذا؟ اسمو نصب واحتيال. وانت حرام تاخذ كل هالشهادات وتصير بني ادم. بدك تعبد القرد روح اعبدو.
*سامي: فين النصب أخي؟
*الصديق: انت عم تطلب مصاري من العالم انو ياخدو منك معلومات. شو اسمو هذا؟ نصب واحتيال
*سامي: لا لا. انا ما بطلب فلوس من الناس. فقط ممن يتدخل فيما لا يعنيه
*الصديق: يمكن انتا معتبر الي خلقك البومة استغفر الله العظيم. بدك من الاخر لا تعذب حالك. ما حدا لح يصدقك. واذا حدا صدقك وصار هذا الحكي بس بالنهاية كل كافر وكل مشرك بالله وبآياته لح يكون له عذاب أليم
*سامي: انا ما بعد اللي بدخلوا ديني الجديد لأني لا اقبض فولس مثل رجال الدين النصابين اللي بقبضوا على العدد
*الصديق: طيب روح منشوف مين لح ينتصر ماشي. بس لما تنحرم من لذة الجنة وتنحرق بنار جهنم لا تقول ليش. لح تقول يا ليتني كنت ترابا
*سامي: لا تهتم. ان كان في نار انت اول من يدخلها
*الصديق: ههههههههههه بتعرف شغلي انا ما بقول لا. بيجوز انا مخطىء بحياتي وعامل ذنوب. بقى بدي اتحاسب. بعدين اتلذذ بالجنة. بس انت مكانك في قعر نار جهنم مع بقية الكافرين
*سامي: وانت شو هامك بي؟
*الصديق: انا حبيت اساعدك بس بيجوز تقتنع. ما بعرف. بس انت هيك عم تروح حالك. بقى انتبه
*سامي: انت اكيد رجل طيب. وعلى شان هيك سوف اهبك 70 حورية اذا قلت صلى الله على سامي وسلم
*الصديق: فشرت بنص عينك. اللهم صلي وبارك على سيدنا محمد وعلى اله وصحبه اجمعين
*سامي: شفت... انت بتفرق بين الأنبياء... وما في نبي احسن من نبي.
*الصديق: انتا مو نبي لحتى افرق. وانا ما بفرق. بس نبي الله محمد
*سامي: مهو انا برضو نبي
*الصديق: انتا مو نبي. انت شيطان
*سامي: شفت. هيك صرنا مش اصحاب
*الصديق: اقتدي بالله يا اخ وروح كل هالافكار الي ببالك. انت مضحوك عليك وعم تتضحك على غيرك وبدك تتضحك على حالك
*سامي: أخي، انت حامل سلمك بالعرض. الدنيا ما تستاهل هيك شد. بجيك مغص.
*الصديق: طيب انا نصحتك واعطيتك نصيحة وانت اختار يا بتترك هالافكار من راسك يا أما لح تشوف عذاب اليم بحياتك. وبس تموت الله بيغفر لك كل ذنوبك الي ساويتها. بس قول لا اله الا الله. محمد رسول الله. قول هيك بس. وشوف شو لح يتغير. او انت مسيحي ما بقدر ردك عن دينك. بس اتقي الله. مالي حق ردك عن دينك.
*سامي: يعني لا بد من الإعتقاد ان القرآن منزل من عند الله بينما انا مقتنع انه من تأليف حاخام يهودي مسطول؟ يعني على شان ادخل الجنة لازم اعتقد بخرافات؟
*الصديق: خلص اخي. خلاصة الحكي كل واحد على دينو ماشي. بس بعدين منشوف مين الصح ماشي اخي
*سامي: هلا صرت تحكي حكي عقال. لما نموت نشوف. المهم نكون ناس طيبين في الأرض.
*الصديق: ماشي. وهلا بدك شي. فكر بحكيي. باي
*سامي: باي. تصبح على خير.
.
د. سامي الذيب
مدير مركز القانون العربي والإسلامي http://www.sami-aldeeb.com
كتبي المجانية: http://goo.gl/lPdG9y
طبعتي العربية للقرآن: ورقيا من أمازون http://goo.gl/EtrbqN أو مجانا من هنا http://goo.gl/a6t77b
حلقاتي في برنامج البط الأسود https://goo.gl/AZoTfn
حلقتي حول ترجمة القرآن الآليات والمشاكل https://goo.gl/2B6DvM