شو اكتر شي بتحبه/ ما بتحبه بالحياة بالغرب؟

[شمس]

مرحبا..

الحياة بالغرب..لا شك انها جميلة واكثر رفاهية.
من تجربتي بالتنقل بين بعض دول العالم العربية والغربية، لاحظت بعض العيوب او الايجابيات بالحياة الغربية اذا قارناها بالحياة بالبلد العربي..


من اهم الاشياء الجميلة والحلوة يلي بتجذبني بالغرب، ( الطبيعة والنظام والحضارة بالتعامل )..
هلا بيجي عضو يمكن يقللي : وبالبلدان العربية فيها جمال طبيعة. وانا برد : ايوه صحيح..بس لحد الان ما ذاقت عيوني طبيعة اجمل من جبال روكي. بحيرة كيلونا. بريطانيا..
اكيد في جمال بطبيعتنا لدولنا العربية...بس حبيت الطبيعة الغربية اكتر...!

الحضارة بالتعامل: الابتسامة واللطافة.
كنت ماشية مبارح بالطريق وصادفت الشرطة بمحطة البنزين. بيسلمو عليك ويبتسمو لك حتى تحس بالامان وخصوصا مع الاطفال! ( حلوة هالعادة!)

النظام: شو بحب النظام. بس مش بشكل مبالغ.
يعني بقطع الشوارع: قبل أمتار ما تقطع الشارع ..السيارة بتوقف تلقائيا..
العجلة اذا كنت بتتسوق ومراعاة لتوقيتك. ( مش بتكون واقف بتشتري شغلة والكاشيير بيحكو مع بعض او ع التلفون وبطيئيين كتير! ومش هاممهم وقتك!
اذا صار اصلاحات بالشارع، او حادث = كله بتلاقيه اترتب ..ولما يحطو لافتة :" عذرا لازعاجكم"..فعلا بكونوا معذورين!
انقطع التيار الكهربائي بمركز المدينة..ولعدة ايام، بشكل سريع تم نقل سكان المنطقة لفنادق على حساب الشركة.
رغم كان عددهم بين ال3000 او 5000.

وشغلات كتير. بحب النظام :)

* ما في داعي ذكر، لما تكون بمحل في نظام ديما بالدور.
رحت الاردن قبل فترة، بدي جيب صحن حلو ل ماما من محل حلويات..وكلهم رجال وفوضى..لا دور ولا شي..
انا رجعت للخلف وانحرجت!
الا انه رجل انتبه لي وطلب من الموزع الحلويات يمشيني ويشوف طلبي.
يمكن لو ما انتبهو لي ..ما بعرف كم من الوقت ببقى ناطرة! واتخيلو بروح زبون بيجي محله..ولا دور ولا شي.....! ( يمكن ببقى ناطرة ليسكر المحل!)
...........................


العيوب ببلاد الغرب..

آه ثم آه من التسوق:

سواء تسوق المأكولات او تسوق التياب.

اسعار غالية+ ما بينفش قلب الواحد ويرضى بالغرض تماما!

قبل كم يوم اكلت فراولة..حسيت كاني باكل قطعة ليمونة صغيرة ومدهونة باللون الاحمر! ما في طعم للفراولة بالمرة..:( ..وينيك يا فراولة الشام!!)

طبعا الايس كريم لاااااا تعليق! رحت محل ببريطانيا ..يمكن قعدت ربع ساعة دور على آيس كريم تعجبني...لكن.....


ولما بروح اشتري تياب، والله بدون مبالغة يمكن بفتل المول من الصبح لعشيي بدوون ما يرضيني شي ؟ ما بعرف ولا شي بيعجبني بمولات كندا ...

بس لما رحت الاردن...والله اول ما خطيت رجلي المول، وقفت واحترت وين بدي اطللع واي محل روح ..من احذية وحقايب نسائية وتياااب..واوو. كله ذووق ! :)

بس شغلة استغربت منها وشوي ضايقتني: اول ما بدخل المحل..بيلحقني صاحب المحل طووول الوقت ويسالني : بدك شي مساعدة؟ في شي ببالك...و ..و ...
بتذكر دخلت محل كبيير.. وما خليت زاوية الا مشيت لها وصاحب المحل وراي ويسال ...طيب ليش ما بيتركو الزبون ع راحته؟؟

ومن اجمل الاشياء ببلادنا العربية : الروح الطيبة بالتعامل مع العرب..بساطتهم.

كنت بالسيارة مع اختي بالليل وضايعين..سالنا الشرطة ع مكان معين. كانو لطيفين وبسيطين بالتعامل..حتى طلب الشرطي منا نلحقه بالسيارة ( كان الطريق شوي بعيد..بس ليدلنا للمكان!)
لما نزلت المطار..صارو يحكو معنا بالجوازات بكل بساطة كأنو بيعرفونا زمان!

الاجانب رغم لطافتهم..لكن في حواجز حمراء.
بتشعروا لطافتهم بس لانه واجب قانوني ونظام لا اكتر.
وليس شيء شخصي..
ما عندهم السلاسة والطيبة واللين بالتعامل متل العرب...


.....شكرا!

[أنكيدو]

اللذي أعجبني بالغرب هو:

- القابلية ان تواعد الأمرأة بشكل سريع و تقييم أذا كانت مناسبة لأقامة علاقة طويلة الأمد بدون خطوبة أو حلقة والتكلف الموجود في المجتمع العربي. هذا يتضمن الأستمتاع جسديا للتحقق ان هناك تواصل أيجابي بين الطرفين.

- في كندا, وجود شبكة ضمان أجتماعي و حماية للأطفال بشكل عام ووجود ضمان صحي.

- الزبون يأتي أولا قبل أي شي و سهولة أبدال البضاعة اذا لم تعجبك.

- عندما تصبح مواطنا هنا تصبح لك كل حقوق المواطنة و الحماية من قبل البلد.

أحب لدي بعض دول الغرب نظامهم العادل و إلتزامهم بالقانون
أحب عدم إنشغالهم بأمور غيرهم مثل ما يحدث هنا و فحصهم لأي شخص مار بالشارع
الأمر الذي كرهته هناك هي عدم وجود شطافة d:

[Tsuki]

المشاركة الأصلية كتبت بواسطة شمس

ما عندهم السلاسة والطيبة واللين بالتعامل متل العرب...

هل هذه كذبة ابريل ام ماذا؟ منذ متى والعرب عندهم طيبة ولين بالتعامل؟ ام انني اعيش مع عرب اخرين في هذا الكوكب..

[شمس]

المشاركة الأصلية كتبت بواسطة tsuki

هل هذه كذبة ابريل ام ماذا؟ منذ متى والعرب عندهم طيبة ولين بالتعامل؟ ام انني اعيش مع عرب اخرين في هذا الكوكب..

يمكن ما كل العرب..بعضهم بتخاف تتعامل معن. بس ان وجدت شخص عربي ساعدك، بتلاقيه كريم وطيب وكأنك بتعرفه من مدة ومرن بالتعامل.

لو عاشرت الاجانب..بتلاقيهم. ان ابتسموا او خدموك لكن..بشكل حذر: 1+1=2.

في حواجز بالتعامل مع الاجانب ..

حتى الطفل بتلاقيه حذر كتير بتعامله.

ما في ثقة.

الشخص العربي فيه طيبة، وممكن تخدعه بسهولة!
الاجنبي غالبا ذكي. ان عاملك بطيبة وشك للحظة صغيرة انه في غلط بتعاملك معه. بينقلب فجأة.

في شخص منعرفه لاجىء سوري مع زوجته..عايش قريب منا بحي فيه باكستانية او هنود..سمع شغلة وانا بوافقه عليها..
قال: الاحياء يلي فيا الباكستانية والهنود قريبة للسلام بالتعامل. لو كان بحي فيه اجانب اوروبيين او كنديين ..يمكن واجه المشاكل..

بالفعل: حوالينا جيران هنود ومن الاجانب..اكتر من مررة واجهتنا شكوى على بيتنا من جارنا الكندي ..

اكتر من مرة لقينا الشرطة هو مستدعيها واجت لبيتنا وغيرنا بسبب شكاويه..لاقل شغلة بسيطة!

" مثلا: كنا مرة مأجرين بيتنا لناس عندهم كلب. دقت علي الباب شرطية ..انا استغربت!! قالت لي : عفوا..هل الكلب الكم؟ قلت لها لا...فكانت الشكوى على الكلب لانه ماله بيت! وكانه جمعية الحيوان بكندا بتطللب وضع الكلب ببيت خاص كبير..مش مجرد ربطه بالحديقة وخلص!"

وناهيك انه العشب في حديقة البيت لازم ما يجتاز حد معين بالطول ( مش اكتر من 15 سم ) والا بتدفع غرامة..وبتوقع لو جارنا الكندي لاحظ كبر عشب حديقتنا عن الحد ليروح ويشكي علينا!!

فما بتوقع لو جيرانا عرب ليعاملونا او غيرنا بهالطريقة..!

[شمس]

...أعجبني بالغرب هو:
القابلية ان تواعد الأمرأة بشكل سريع و تقييم أذا كانت مناسبة لأقامة علاقة طويلة الأمد بدون خطوبة أو حلقة والتكلف الموجود في المجتمع العربي. هذا يتضمن الأستمتاع جسديا للتحقق ان هناك تواصل أيجابي بين الطرفين

بفهم منك عفوا..البلدان العربية ما فيا هالشي؟؟

...

[الكمنجة]

جيد انك طرحت هذا الموضوع.
انا اؤمن - واكيد الجميع يوافق- ان كل البشر بشر في البداية وفي النهاية ، لا ينفي ذلك تاثير الظروف على المجتمعات وبالتالي نمط تفكير الافراد.

والحقيقة انى لما قرات هذا الموضوع منذ اعتقد يومين او ثلاث قررت ان لا اعلق، لا لسبب سوى انه لم يكن لدى ما اعقب به او اقوله في هذا الصدد ،فانا لم اعش في الغرب يوما بل لم ازره وماةتعاملت مع احد منه من قبل.

بيد انه شاءت الصدف ان اتذكر امرا، هو قديم ولكن ذكرني به امر ما البارحة.

فانا بطريقة غير مباشرة اتعامل مع جمعيات خيرية بعضها محلى وبعضها اوربي ،اما المحلي فيجمعون تبرعات واغذية للمحتاجين واما الجمعيات الاوربية فتجمع البسة وادوية اضافة الى الاغذية وغيره وترسلها الى جمعية مكلفة هنا ثم يتم التوزيع.

والحقيقة انى بدات اشعر بالقرف من تبرعات هؤلاء الغربيين، ارحو ان تعذروني عن هذه الكلمة.
تجد العرب المتبرعين يشترون كل شيئ جديدا، ومهما كان قليلا الا اننى لم اشاهد يوما دفترا مدرسيا او قلما او محفظة او اناءا معدنيا الخ ياتى من الحمعيات المحلية الا وهو جديد وكثيرا ما يكون من نوعية جيدة ايضا .

اما ما ياتى من الاوربيين! فصدقونى ايها الزملاء (( واللات همما ان اصوره)) اوانى صدئة!! واحيانا متوسطة الحال ولكت بها انبعاج قليل ولكن مفسد لشكلها، الاكسسوارات نفس الشيئ،،،، يعنى كل شيئ ليس فقط مستعمل بل مستعمل جدا جدا.
واما عن الالبسة فلا اريد ان اقول انها كلها قديمة لاننى اتفهم انه ليس سهل التبرع باللباس في اوربا.
كنت طوال البارحة اتساءل وانا اتعامل مع صندوقين كبيرين قادمين من اوربا: هل قام هؤلاء بالتبرع من بيوتهم ام توجهوا الى اقرب زبالة وجمعوا منها اغراضا؟
وبالطبع وللاسف ليس للمحتاج او اللاجئ الا اخذ ما يجده .
اتساءل هل يمكن في ثقافتنا نحن كعرب ان نعطي جارا لنا هبة مجروحة؟ او عبائة مشقوقة؟ في المكان حيث تربيت انا لا، من اعطى عطية يجب ا ن تكون انعكاسا لكرمه وان تحفظ كرامة المتصدق عليه.

وشكرا/

[الكمنجة]

نعم نسيت ان اذكر سيب امتعاضي،
هناك اجراء بان تقوم جمعية محلية بارسال صور طفل ما محتاج ليتم التبرع له من طرق عائلة ما في اوربا.
تخيل انهم يرسلون بعد رؤية الطفل ملابس رثة ولعب مستعملة (غالبا).

[شمس]

الكمنجة ..بشكرك على الاضافة، ..
استغربت شوي من كلامك لما قارنت هالاغراض ( العربية بالاوروبية)..

على كل حال..انا بلاقي المنتوجات العربية متقنة الصنع وفيها تفنن اكتر. وسعر اقل.

المنتوجات الاجنبية، منتوجاتهم ممللة وان كانت تياب..واحيانا مش محكمة الصنع. ان صرفت عليها مبلغ يفوق سعرها لو قارنتها بمنتج عربي جيد الصنع!!

[أنكيدو]

المشاركة الأصلية كتبت بواسطة شمس

بفهم منك عفوا..البلدان العربية ما فيا هالشي؟؟

...

طبعا لا يوجد هذا الشيء و أن وجد فهو شيء شاذ عن القاعدة العامة. أتني بأهل عرب يقَبلون بأن يجامع أبنتهم شخص غريب و هو ليس حتى بخطيبها!