ماذا انجز ملحدون وعلمانيون وقرانيون مصريون وعرب مشاهير خلال ١٤ عاما
خلال اخر ١٤ سنة نشط وظهر بعض النشطاء الملحدين من مولانا مصرى ملحد واحمد حرقان وصولا لجورج بول وهشام المصرى ومانى وزهيرى واخرين ومعاهم بعض القرانيين والعلمانيين زى ابراهيم عيسى ويوسف زيدان واحمد سعد زايد واحمد عبده ماهر الخ. ايه بقى اللى استفدناه من هؤلاء وايه تاثيرهم الحقيقى على الشعوب المصرى والليبى والسودانى واليمنى والعراقى والسورى. ولا اى شئ. بالعكس استمرت موجة التكفير والتوحش الدموى السلفى والاخوانى والخمينى فى دولنا وجمهورياتنا. لانهم اصلا مش مهتمين بمهاجمتهم انما مهاجمة محمد وجوازته وازاى كان بينضف التوتة ومبيغسلش ايده والله وبس سنة وسيرة وقران وفقه... بل اكترهم ضد عبد الناصر والاسد والقذافى ومع ثوار او بالاصح ارهابيى الربيع العربى ومع النظام الخمينى فى العراق. ومع اسرائيل. او مش مهتمين اصلا الا بالدفاع عن بنى قريظة وام قرفة وابو لهب وشخصيات ماتت من مئات السنين. وكتير منهم مبشر متخفى او متعاطف مع الديانة المسيحية واللى منهم متعاطف مع اسرائيل لدرجة رفع علمها او يكاد يعبدها... ورغم تهجيصهم بخصوص اعدادهم المليونية فى مصر وغيرها هما والمبشرين فالحقيقة حتى من ارقام مشاهداتهم هما وحتى عبد الله رشدى وهيثم طلعت اقصاها مليون ولا اتنين بالكتير اوى يعنى. ده غير كرههم الشديد لبعض زى عركة جورج ومولانا مع هشام المصرى. هل معنى كلامى ان الاسلام كويس او المسيحية كويسة ؟ لا طبعا.
|
05-03-2025, 04:21 PM
العرض العادي
