The backward construction process
في طريقه مشهوره في الهندسة الانشائيه لتحليل وتصميم اي منشأ صعب تصميمه بالطرق العاديه ... او ليه طابع خاص .. زي الكباري المعلقه مثلا .. اسمها التحليل بالراجع ... ببساطه بدل ما ابني المنشأ دور دور وادرسه .. لأ انا هاعتبره مبني كامل .. وابدأ "اهدم" دور دور وادرس تأثير الهدد .. ومنه اقدر اصمم المبنى المستعصي.
الموت .. ايه اللي بعد الموت؟! مافيش مخلوق يقدر يقول .. لان ماحدش مات ورجع عشان يحكيلنا.
بس انا عايز اعرف .. وانت كمان .. بل ان الحاجه الوحيدة اللي جامعة كل البشر .. انهم عايزين يعرفو ايه بعد الموت .. وكلهم متفقين انهم هيموتو.
مش عارفين ندرس الموت .. نجرب التحليل بالراجع.
بدل ما ادرس الموت .. هادرس الولاده .. انت اتولدت .. وقبلك ابوك .. وهكذا .. لحد ادم.
(1) اما في انسان اول .. او ليس هناك انسان أول والموضوع ازلي
اختارت في انسان اول .. تمام
(2) اما حد خلقه .. او ماحدش خلقه وطلع كده
اختارت حد خلقه .. تمام
(3) الخالق ده .. اما هو والله .. او حد غيره
اختارت الله .. تمام
(4) الله .. ده بقى .. هو اللي قالنا على اللي بعد الموت .. اما نصدقه .. او نكذبه
اخترت نصدقه .. تمام
قالك في بعد الموت بعث وحساب وجنه ونار وثواب وعقاب ووووو .. مافيش قدامك اوبشن الا التصديق
بس خلصت.
لا حاسب .. طيب انا اخترت في خطوة (1) ليس هناك انسان أول
اختيارك مستحيل .. ماحدش من البشر اختاره غيرك .. الكون نفسه اللي فيه الانسان .. الخلقيين بيقولو ليه بدايه .. والطبيعيين برضو بيقولو ليه بدايه .. اختيارك غير منطقي.
طيب في خطوة (2) انا اخترت ماحدش خلقه وطلع كده
ماشي لو انت مقتنع ان في شئ بيطلع لوحده .. امين .. انت كسبت
لو في خطوة (3) انا اخترت حد غير الله .. ماينفعش .. اقولك ليه
لو حد تاني كان زمانه جه وقالنا .. انا خلقتكم .. مافيش حد في التاريخ ادعى انه الخالق غير الله .. واحد بس اللي قالها .. ينفع نكذب الوحيد اللي قالها .. وندور عاللي ماقلهاش؟! .. يبقى مافيش غير الله .. لو انت عايز تقول انك خالق .. ماشي شغال .. انت عشرة على عشرة.
لا انا في خطوة (4) اخترت اني اكذبه
بس انتهت .. انت بالعقل توصلت الى الله .. وبالعقل بتكدبه من غير حجه.. شيل بقى اللي جايك.
|