|
ممنوع دخول المدير كاره النساء..
مرحبا اعضاء..
في البداية اسمحوا لي احكي بهالموضوع بالعامية(الموضوع في الساحة الاجتماعية او ساحة الاعضاء.. ) وما بعتقد بخالف قوانين المنتدى ! اللي بدو ترجمة عربي = عربي لكلمة مش مفهومة يحكيلي. واذا كنت مخالفة القوانين وانا مو عرفانة * ...اقل ما يمكن بيتوجه لي انذار ..وبصير عندي يمكن امممم انذارين ( والمرة الجاي توقيف اشتراك ! )..وخلص راحت علينا ! هادا الموضوع طبعا بغرض المزح والترفيه ..وما حدا ياخده ع محمل الجد ! ********************************* بدي أسألكم هون ..انتو صار لكم سنوات بهالمنتدى .. ليش ما نسمع رأيكم ونعطي حرية نشوف شو بتحكو تجاه المدير كاره النساء؟ انا اتساءلت اكتر من مررة ..: متى تم تعيينه كمدير؟ *وليش؟ وهل كان مراقب قبل؟ وهلاء كيف رأي الاعضاء بهالمدير..؟ هل في شكوى ..بكل صراحة ؟..او انه قد المسؤولية وبيستاهل؟ بالنسبة لي...: كالعادة - ما بيعجبني العجب وببدا التذمر والشكوى- اول ما تعرفت ع مديرنا..كنت بدي اشكيه للأستاذ ابراهيم اكتر من مررة .* ما كان يعجبني أسلوبه بالبداية تجاه الأعضاء ( يا أرض اشتدي ..ما حدا قدي..)..! وكان يضايقتي ويقهرني انا ..اول ما تعرفت عليه لما بناقشني بحسه كأنه بدو يطردني من المنتدى :(..يا مسكينة انا شو عملت له ؟؟ حكالي اكتر من مررة بما معنى : " اذا مو عاجبك المنتدى..في المنتديات الإسلامية روحي لها .." = كان عم يطردني بشكل غير مباشر :(..!! تاني شغلة زعللتني ..قال في يوم من الايام كان بدو يختار لي لقب " صديقة المنتدى" ..بس قال ما شافني بستحق اللقلب فغيرر رأيه. .:(..!! اوكي خلص ما بدنا ...انا مو صديقة المنتدى.. صح حطني كاتبة المنتدى ..بس بعد لما انا اقترحت ..يعني لو ما اقترحت له ..ببقى مسكينة ..لا كاتبة ولا شي ...رغم حكييت لو خلاني مشرفة ع قسم " الأدب. ." بس بترك هالمكان لزميل بيستحقه اكتر مني وهو الزميل الاستاذ شاهين طبعا.. ف خلص بطل بدي كون مشرفة بهالقسم.. امممم صرت بحكي لو يحطني مشرفة ع قسم النقد الساخر..كنت خليته فاضي ديما ..:)...يلا مو مشكلة ..مقبولة . وكمان ..ليش لسى المنتدى معتم وما في فراشات او عصافيراو ورد بالزوايا ؟؟ :(...لهالشي المساكين البنات ما بسجلوا او بيبقوا يشاركوا.! اممم...في كمان شكوى اكيد (بعتذر على الاطالة.. )..يا خسارة ليش اسمي باللون الازرق :(..؟ بعرف هيدا لقب الكتاب ..بس انا بنت ..وبدي لون الوردي ..يا حرام انا ..لوني ازرق..عمركم شفتوا روز او "وردة "لونها ازرق ؟؟ :( على كل حال ..رح اتغاضى عن هالامور لأني بنوتة طيوبة ورقيقة القلب ..:) ارجو يا اعضاء ما تاخدوا بشكل جدي كلامي .. صح انا اخدت فكرة قاسية شوي اول ما تعرفت على مديرنا ..لكن بصراحة و بكلمتين " بعد التجربة ..وجدت مديرنا بيستاهل منصبه ..وقد المسؤولية . والرجل المناسب في المكان المناسب ..!"..بخجل احكي اكتر من هيك ..والكلمات بتعجز عن شكره لتحمله ضغوط الادارة واجتهاداته لتحقيق الاهداف ..! رغم ضيق وقته ..وانشغاله بحياته الخاصة ..الا انه ديما حامل مسؤولية ..الأعضاء والمنتدى! شكرا الك ع كل شي ! |
اقتباس:
| / \ ######## كاره النساء من الأشخاص الذين لا تستطيع أن تغضب منهم |
اقتباس:
وااوو حلوة !! بس ماا بدي ..بدي لون وردي اسمي :( او احمر ..يعني متل المدير ..ليش هو احمر وانا ازرق؟؟ |
اقتباس:
الشكر موصول لكلّ المسؤولين الحقيقيّين القدماى على المنتديات الإلحاديّة و الذين منهم نغترف تجربتنا البسيطة، أعتقد بأنّ الأستاذ إبراهيم يعاني من ضغوطات المنتدى بشكل أكبر. و على كلّ، يسعدني أن أكون مقبولا عند الأعضاء، هذا شرف لي. شكرا لروز على بادرتك الطيّبة التي تنمّ عن روحك الجميلة، و شكرا للزميل كورنوس على ردّه الذي يعني لي الكثير. |
ليس لدي مشكلة مع كاره النساء غير كرهه للنساء ، لكن اتفهم موقفه لاني اكره العجائز من النساء .
|
اقتباس:
العجائز من النساء هن الافضل على الاطلاق هذا اصلا نوعى المفضل من النساء :biggrinpartyha3: |
اقتباس:
انت غريب..!! أشعر كأنك من كوكب اخر!! وخصوصا من ناحية ميولك..!! تعشق الفن ..لكنك لا تحب الرومانسية..بل ربما تكرهها!! اول مررة ارى فنانا ...بهذه الصفة!!.. تعشق الأسود. ..وتلك الاغاني ال....التي لا استطيع سماعها ل 3 ثوان!! اتمنى ان تضع اغنية هادئة لطيفة يوما ..في قسم الاغاني!! مرة واحدةفقط!! |
اقتباس:
:angel4: |
اقتباس:
No doubt..you live in another world!! غريب انت !! |
اقتباس:
|
| الساعة الآن 12:57 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
diamond
.::♡جميع المشاركات والمواضيع المكتوبة تعبر عن وجهة نظر كاتبها ,, ولاتعبر عن وجهة نظر إدارة المنتدى ♡::.